Nuk kanë të sosur problemet për reperin e njohur, Stresi. E ndërsa emri i tij është përfolur shpesh së fundmi nga policia për shkak të problemeve të shumta, tashmë i duhet që të procedohet penalisht për një përplasje me regjisorin Leonard Bombaj.
Nga sa mësohet, incidenti ka ndodhur dje rreth orës 11:30, në rrugën “4 Dëshmorët”. Policia raporton se gjatë një aktiviteti, Arkimed Lushaj i ka hedhur një kovë ujë në trup, si dhe ka ofenduar Bombajn. Nuk dihen arsyet e kësaj përplasje midis Stresit dhe Bombajt.
Njoftimi i policisë
“Më datë 15.03.2017, u referuan materialet në Prokurorinë e Rrethit Gjyqësor Tiranë për vlerësim, për shtetasin A. L., 29 vjeç, banues në Tiranë, sepse në orën 11.30, në rrugën “4 Dëshmorët”, gjatë një aktiviteti, i ka hedhur një kovë me ujë në trup dhe ka fyer, shtetasin L.B”.